យ៉ូសាយ៉ា អូអ៊ីវ៉ាជាកូនស្រីសេដ្ធីម្នាក់ដែលមានទ្រព្យសម្បត្តិស្ដុកស្ដម្ភ ប៉ុន្តែជាអកុសលនាងមានមុខមាត់មិនស្អាតទើបគ្មានប្រុសណាចង់រៀបការជាមួយនាងទេ។
រហូតដល់ថ្ងៃដែលឪពុកនាងជិតស្លាប់ គាត់ក៏បានប្រកាសថា បើប្រុសណាម្នាក់ព្រមរៀបការជាមួយនាង គាត់នឹងលើកទ្រព្យសម្បត្តិដែលមានទាំងអស់អោយ។
ក្រោយមកមានបុរសម្នាក់ឈ្មោះ អិអេមុនមានយល់ព្រមរៀបការជាមួយកូនស្រីសេដ្ធីនោះ ប៉ុន្តែនាយមិនមានស្រលាញ់កូនស្រីសេដ្ធីនោះទេ ។
ដំបូងឡើយអិអេមុនយកចិត្តទុកដាក់និងធ្វើដូចជាស្រលាញ់នាងអូអ៊ីវ៉ាខ្លាំងណាស់ ក្រោយរស់នៅជាមួយគ្នាបានមួយរយ: ឪពុកនាងអូអ៊ីវ៉ាក៏បានស្លាប់បាត់បង់ជីវិតទៅ ។ ចាប់តាំងពីគ្មានឪពុកនាងនៅជាមួយអិអេមុនក៏ចាបើផ្ដើមប្រែប្រួលមិនដូចមុន នាយតែងតែចេញនបាត់ពីផ្ទះស្ទើរតែរាល់ថ្ងៃ ហើយគូរស្មេហ៏១គូរនេះក៏ចាប់ផ្ដើមមានជម្លោះខ្លាំងឡើងៗ។
មួយរយ:ក្រោយមកនាងអូអ៊ីវ៉ាក៏មានផ្ទៃពោះ តែជាអកុសលនាយអិអេមុន មិនត្រឹមតែមិនសប្បាយចិត្តជាមួយរឿងនេះទេ ថែមទាំងមិនខ្វល់ខ្វាយ គ្មានភាពទទួលខុសត្រូវអ្វីបន្តិចសោះ មិនតែប៉ុណ្ណោះនាយថែមទាំងលួចទៅមានស្រីស្នេហ៍នៅខាងក្រៅទៀត។
ថ្ងៃមួយនៅពេលដែលនាយបានត្រលប់មកផ្ទះវិញ នាងអូអ៊ីវ៉ាបានចូលមកសាកសួរពីរឿងដែលប្តីបាត់ពីផ្ទះ ពេលនោះអិអេមុនមិនឆ្លើយថែមទាំងនិយាយខ្លាំងៗដាក់ ហើយទាំងពីអ្នកក៏ឈ្លោះប្រកែកគ្នាយ៉ាងខ្លាំង ។ អិអេមុនថែមទាំងប្រើកំលាំងកាយ វាយនាងអូអ៊ីវ៉ាទាំងដែលនាងមានផ្ទៃពោះ ហើយរុញនាងទៅបុកនឹងជ្រុងគ្រែ ប៉ះទង្គិចពោះយ៉ាងខ្លាំង ឈាមហូរមិនឈប់ ហើយនាងក៏ត្រដខ្យល់ បាត់បង់ជីវិតពេលនោះទៅ ។
អិអេមុនភ័យស្លន់ស្លោរយ៉ាងខ្លាំង នាយក៏យកសពនាងអូអ៊ីវ៉ាមកទុកចោលក្រោមគ្រែ បន្ទាប់មកនាយក៏ត្រលប់ទៅរកស្រីស្នហ៍ទាំងញ័រខ្លួន
នៅយប់នោះអិអេមុនកំពុងដេកនៅផ្ទះស្រីស្នេហ៍ស្រាប់តែបើកភ្នែកឡើងឃើញមុខស្រីស្នេហ៍ជាមុខនាងអូអ៊ីវ៉ា ដែលគួរអោយខ្លាចជាទីបំផុត មុខមានតែផ្ទុះ និងឈាម សក់វែងដល់ដី ពកូននៅក្នុងដៃ ស្រែកហៅប្ដីគួរអោយរន្ធត់។ អិអេមុនភ័យស្លន់ស្លោរក៏ទាញកាំបិតនៅក្បែរនេោះក្រវាស់ចុះ ក្រវាស់ឡើង ត្រូវស្រីស្នេហ៍នោះស្លាប់នៅកន្លែងទៅ។
បន្ទាប់មកនាយក៏រត់ចេញមកខាងក្រៅ ក៏នៅតែឃើញមុខមាត់ដ៏អាក្រក់របស់នាងអូអ៊ីវ៉ាគ្រប់ទីកន្លែង ពេលរត់ទៅដល់ផ្លូវ១ទៀតដែលមានគោមភ្លើងនៅតាមខាងៗផ្លូវ ក៏ឃើញគោមភ្លើងទាំងអស់ក្លាយជាមុខនាងអូអ៊ីវ៉ាតាមស្រែកហៅទាមទាជីវិតនាងនិងកូនមកវិញ ។
ចាប់តាំងពីពេកនោះមកនាយអិអេមុនក៏ក្លាយជាមនុស្សឡប់ឆ្កួត មិនដឹងរឿងហើយរស់នៅេជាមួយភាពភ័យខ្លាចជារៀងរហូត។
បកប្រែនិងកែសម្រួលពីនិទានរឿងខ្មោចជប៉ុនដោយ : ម៉ម មុន្នីតា
សូមអរគុណសម្រាប់ការអានរបស់លោកអ្នក!
EmoticonEmoticon