ផ្លែសាវម៉ាវ

                      ការសិក្សាថ្មីមួយបានបង្ហាញថាផ្លែសាវម៉ាវ មិនត្រឹមតែមានរស់ជាតិផ្អែមឆ្ងាញ់នោះទេ តែវាបានផ្តល់អត្ថប្រយោជន៏យ៉ាងច្រើនចំពោះសុខភាពដូចជា៖ 

១.ព្យាបាលជំងឺ

                   នៅក្នុងប្រទេសម៉ាឡេស៊ី និង ឥណ្ឌូនេស៊ីផ្លែសាវម៉ាវត្រូវបានគេប្រើប្រាស់ដើម្បីព្យាបាលជំងឺផ្សេងៗដូចជា ជំងឺទឹកនោមផ្អែម ជំងឺលើសឈាម និងជំងឺផ្សេងជាច្រើនទៀត។

២.ផ្តល់ថាមពល 

                  កាបូអ៊ីដ្រាត និង ប្រូតេអ៊ីនក្នុងសាវម៉ាវទៅនឹងជួយផ្តល់ថាមពលយ៉ាងច្រើនដល់រាងកាយនិង បំបាត់ការស្រេកទឹកបានទៀតផង។

៣.ការស្រូបយកជីវជាតិបន្ថែម

                    វីតាមីនC ក្នុងផ្លែសាវម៉ាវនិងជួយស្រូបយកជីវជាតិរ៉ែ ដែក ស្ពាន់សម្រាប់រាងកាយ និងជួយការពាររាងកាយពីការបំផ្លាញនៃរ៉ាឌីកាល់សេរីផងដែរ។

៤.កំចាត់រ៉ាឌីកាល់សេរី

                    សាវម៉ាវមានផ្ទុកនូវអាស៊ីត gallic ដែលអាចកំចាត់រ៉ាឌីកាល់សេរី និងប្រយុទ្ធប្រឆាំងនឹងជំងឺមហារីកបានផងដែរ។

៥.បង្កើនកោសិកាឈាមស និងកោសិកាឈាមក្រហម

                      ផ្លែឈើនេះមានផ្ទុកជាតិស្ពាន់យ៉ាងច្រើនសម្រាប់ការបង្កើតកោសិកាឈាមសនិកោសិកាឈាមក្រហម។

៦.កំចាត់កាកសំណល់ចេញពីតម្រងនោម

                       ផូស្វ័រដែលមានក្នុងសាវម៉ាវអាចជួយកំចាត់កាកសំណល់នៅក្នុងតម្រងនោមបានយ៉ាងល្អ។ ហើយជាតិកាល់ស្យូមនិងផូស្វ័រក្នុងសាវម៉ាវក៏អាចធ្វើឲ្យធ្មេញនិងឆ្អឹងរឹងមាំផងដែរ។

៧.ប្រភពនៃជាតិដែក

                          សាវម៉ាវគឺជាប្រភពដ៏ល្អនៃជាតិដែក។ ដូចនេះវាអាចការពារអ្នកពីជំងឺដែលបង្កដោយកង្វះជាតិដែកបាន។

៨.មានជាតិសរសៃខ្ពស់

                          សាវម៉ាវមានជាតិសរសៃខ្ពស់និងមានកម្រិតកាឡូរីទាប។

៩.ព្យាបាលជំងឺទូទៅ

                        សាវម៉ាវគឺល្អសម្រាប់ការព្យាបាលជំងឺទូទៅដូចជា ការឈឺក្បាល ជំងឺរោគផ្សិត និងរោគមួល។

១០.សម្លាប់មេរោគ

                         សាវម៉ាវអាចជួយសម្លាប់មេរោគក្នុងរាងកាយបានមួយចំនួនផងដែរ។

១១.សម្លាប់ប៉ារ៉ាស៊ីត

                        ការទទួលទានផ្លែឈើនេះជាប្រចាំអាចជួយសម្លាប់ប៉ារ៉ាស៊ីតក្នុងពោះវៀននិងជួយកាត់បន្ថយជំងឺរាគនិងជំងឺគ្រុន។

១២.ល្អចំពោះស្បែក

                        ធ្វើឲ្យស្បែកមានសំណើម និងទន់រលោង។

១៣.ល្អចំពោះសក់

                        យកស្លឹកសាវម៉ាវកិនឲ្យម៉ត់លាយទឹកបន្តិច ហើយយកវាមកលាបសក់ វានិងជួយឲ្យសក់រឹងមាំនិងមានសុខភាពល្អ៕

សូមអរគុណសម្រាប់ការអានរបស់លោកអ្នក!